بقالي مدة مش عارف اكتب حاجة يمكن عشان مضايق او زهقان او مخنوق اوي اي حاجة عادي يعني واكيد كل واحد منا بيمر بوقت زي ده بيكون مش عايز يعمل فيه اي حاجة، مش عشان كسلان ولكن عشان الاسباب سالفت الذكر
المهم أنا شخصياً لما بكون في الحالة دي بحب أعمل حاجات معينه ساعات كتتتير بتساعد الواحد انه يغير من موده ويكون أحسن ...... من الحاجات دي مثلاً إني بحب أقف على الكورنيش واخلي الهوى يطس في ..... واخلي نظري يوصل لأبعد نقطه ممكنه، وساعات تانيه بحب أجري حول سور الكلية الحربية في مصر الجديدة رغم ان الفعلين دول مختلفين من حيث السكون والتأمل والحركة والنشاط إلا انهم بيوصلوني لنفس النتيجة وبكون أحسن الحمد لله. ويا رب كل واحد منا يكون عنده حاجة تخليه أو تساعده أنه يغير موده
بس من أهم الحاجات اللي بتخرجني من المود ده هو تذكري ليوم محدد في حياتي، وطبعاً خيالكم ميروحش بعيد وكل واحد يشطح بتفكيره .... هحكلكم عن اليوم ده ....
كان عندي 15 سنه وكنت مشترك في النادي في لعبة اسمها القفز الرياضي بالمظلات وألعاب الهواء، وكنت بروح النادي الصبح واحصل على التدريب وأستفد منه في نواحي كتتتير ممكن ابقى أقولها بعدين .... المهم جه يوم بعد إنتهاء فترة التدريب والكابتن قال لينا إن بعد كام يوم هنقوم بأول قفزة حقيقية من الطائرة ....... طبعا الناس كلها انبسطة وانا مختش في بالي عادي يعني أيه المشكله محنا طلع عنينا في التدريب
وجه اليوم الموعد كان التجمع في النادي الساعة 6 صباحاً لجميع الأفراد اللي هيقوموا بالقفزة دي من مختلف النوادي على مستوى الجمهورية بعد كده روحنا في عربيات رحلات على مطار شرق وكله وقف طابور عشان يستمل من عربيات الزل المعدات بتاعته (مظلة أساسي - مظلة إحتياطي - واقي رأس) وكله ده عادي وفهمينه وتم التدريب عليه
شويه كده وجه قائد المطار ومر على صف اللاعبين اللي هيقفزوا وطلع كام واحد من الصف وانا كنت منهم ..... سأله المدرب أيه الحكايه قاله دول مش هيقفزوا عشان وزنهم خفيف وممكن المظلة متفتحش أو يحصل مشاكل في القفز .... طبعاً أنا قلبي وقع في رجليه
المهم جابوا ميزان ووزانونا والحمد لله قالوا ده يعدي ورجعت للصف تاني وبدأنا نتحرك على الطائرة C-130 ، الطائرة من الدخل مقسمه جدار يمين ويسار ووسط يمين ويسار وكان موقعي داخل الطائرة أول واحد في الجدار اليمين وتصورت أني أول واحد هقفز من الطائرة .... وخفق قلبي مجدداً
بدأت الطائرة في الحركة ثم صعدت بشكل حاد إلى الهواء (دي كانت أول مرة أركب طائرة في حياتي) وبدأنا في قرأت الفاتحة واقتربنا من منطقة القفز وتم فتح باب الطائرة فإذ بهواء شديد يرتطم بأجسامنا ووجهونا ثم بدأ الوسط الأيمن القفز من الطائرة وهنا فهمت أني سوف يأتي دوري بعد الإنتهاء من قفز لاعبي الوسط الأيمن
كان منظر في غاية الغرابة ولن أنساه طيلة عمري، أتعرفون عندما تلقون بمنديل من شباك سيارة مسرعة؟ تجد المنديل (اتشفط للخارج) كانت الطائرة هي السيارة واللاعبين هم ولا مؤخذه المناديل، أنا فاتح فمي ومبحلق عنيا ومش مصدق أن أصحابي وزمايلي بيطروا بره بالشكل ده ..... ثم جاء علي الدور.....
كان عقلي متوقف تماما عن التفكير وتقريبا قلبي متوقف عن النبض ورأتاي متوقفتان عن التنفس (واحد عنده 15 سنه واول مره يركب طيارة وهينط منها وهو مش فاهم ايه اللي بيحصل) وهوووووب ...... هدوء ..... صفاء ...... راحه .... هواء رقيق.
بصيت لقية ايه ؟؟؟ خير اللهم اجعله خير قال ايه الطيارة ماشيه بعيد عني وباقي زمايلي بيقفزوا منها .... طبعا في حاجات مهمه جداً لازم تتعمل أول ما يتم القفز أهمها أنك تبص على المظلة تشوفها مفتوحه ولا مقفوله ... مقطوعه ولا سليمه .... فيها مشكله ولا لأ ؟
أنا بصيت فوق ملقتش المظلة ...... بس لقيت نفسي نازل براحه فبصيط لأعلى لقيتها (في المرة الأولى تم النظر للأمام ولأعلى وفي المرة الثانيه لأعلى وبشكل عمودي)
طبعاً انا مش حاسس أني بنزل إلى الأرض بل شعرت أني أرتفع إلى السماء وهنا تذكرة كلام قائد المطار وتعليقه على مسألة الوزن ولكن أيضاً تذكرة كلام المدرب حيث قال لنا أن أول قفزة سوف تشعر أنك لا تهبط إلى الارض ولكن الحقيقة أنك تهبط
والحمد لله وصلت للأرض في سلام وشعرت أني بطل وعملت حاجة مش اي حد ممكن يعملها وكنت حاسس اني لو جاني عشر رجاله هضربه وكنت حاسس اني قوي جداً وكنت مبسوط وسعيد لدرجة خلتني كل ما أكتئب أفتكر أول قفز ليه
طبعاً بعد كده أصدقائي قالولي ان في أنوار كانت على الباب صفرا وخضرا وده ليه علاقة بمكان القفز كمان قالولي ان فيه جرس ضرب بصوت عالي عشان نبدأ القفز بس الكلام ده كله شوفته وسمعته في القفزات التانية بس أول مرة يدوبك اللي حصل هو اللي انا فاكره وحكيت عليه
على فكرة في قفزة من القفزات التاليه حصلي فقدان مؤقت للذاكرة بس مش وقته بقى.
ويا رب كل واحد منا يكون عنده حاجة تخليه أو تساعده أنه يغير مودهويا رب كل واحد منا يكون عنده حاجة تخليه أو تساعده أنه يغير موده
37 comments:
والله حسستني إن أنا اللي هقفز
وشفط ومناديل
طبعا الحمد لله إنك فاكر حاجه من اللي حصل أصلا
والحمد لله أكثر لأنك تجد ما تبدل به حالتك النفسيه
أسلوبك مميز وفقك الله
تحياتي
بتهزرررررررررررر
انت نطيت ببراشوت وبتاع ياعم
يالهووووووووي
لا ياعم انت خطر
انا مش هعرفك ياعم
ده انت بتنط بالبراشوت
ايش ضمنني اني مالقكش في مره بتنط براشوت علي وانا في جزيرة هونولولو وانا معايا السوزه مرمر بتاعتي
لا بس بجد تجربه رهيبه فعلا
الا قولي يابو يحي .. هو ينفع اني انط دلوقتي براشوت
انا سني 30 سنه .. ووزني 99 كيلو .. وتسعه من عشره
ننتظر افادتكم
سلامووووووووووز
انا كل مرة اسمع الحكاية دى الاقى ان فيه حاجات كتير معرفهاش
انتمش ناوى تقعد معايا قاعدة كده تقولى كل اللى حصل مرة واحدة
ولا انا كل سنة هعرف عن الموضوع ده حاجة جديدة
يا قلبك - بقى بتنط من الطيارة
اه يانى - اوعى تعمل كده فى ابنى
انا مش هستحمل
وبشهد عليك المدونين اهو
ابنى لالالالالا
سلامى وتحياتى
هبة
salwa
شكرا جدا على التعليق واتمنى انك كمان يكون عندك في ذكرياتك أو افعالك اللي يقدر يساهم في تغير الحالة النفسية إلى الاحسن
تحياتي
soooo
فعلا دي من أحست الحاجات اللي عملتها في حياتي. وطبعا انت تقدر تدرب وتعمل قفزة بس لازم وزنك ينزل شويه والنوادي اللي بتعمل الموضوع ده كتتتتير دلوقتي
تحياتي
doba
معلش ... هي الدنيا كده ، وبعد كده عشان تحسي دايما انك عايشه حياة جديدة ومتجددة ومش عارفه عنها حاجة
تحياتي
وصفك حلو قوي
معلش انا دخلت في الموضوع من غير ما اسلم هكمل وابقى اسلم في الاخر
حكاية النيل والكلية الحربية مقدور عليهم يعني سهلين لما بعد الشر تكون مضايق تقدر تروح هناك بكل سهولة لكن الطيارة والبراشوت دي صعبة شوية نجبلك منين كل شوية طيارة علشان تنط منها
واضح من كلامك انها تجربة ممتعة جدا ياريت كنت اقدر اجربها بس ساعتها مش عارفة هابقى عاملة ازاي
انت عارف بيبقى في عند كارفور لعبة كدة بيربطوا العيال من وسطهم وبيبقى في عمودين كبار ونازل منهم اساتك كتير كبيرة وتخينة والراجل يرفع الولد لفوق وبعدين يشدة من رجلية والولد يطير لفووووووووق بس الاستيك بيجيبة تاني
المهم انا فضلت اتحايل على الشينيور انة يركبها وكان نفسي اسأل الراجل هي لغاية كام كيلوا بس اتكسفت طبعا هايقول عليا اية بس حقيقي كنت هابقة سعيدة قوي وانا طايرة في الجو
اسفة على الاطالة
يوة كنت هانسى
ازيك يا استاذ يحيى
اخبار المود بتاعك اية؟
واضح انة احسن الحمد لله
تحياتي
shahy
ههههههههه اكيد طبعاً مش كل ما اضايق هروح ناطط من طيارة بس مجرد تذكر الموضوع بيسعدني. وهي فعلا تجربة متميزة من كل الأوجه.
تحياتي
ازيك يا يحي
كان زمان نفسي اجرب موضوع القفز بالمظلات ده بس خلاص كبرت و عقلت
تعرف اكتر حاجه بتخرجنى من المود ده انى امشي على الكورنيش او
اقرا رواية و اعيش فيها قوى
او و ماتستغربش
اذاكر!!!
أميرة
فعلا الكورنيش ممتع جداً وبيساعد كتتتير في تخفيف الهموم. ومحدش كبر على القفز ولا حاجة. بره في أوروبا والدول المتقدمة ستات عتدهم 60 سنه وبيقفزوا بكل جرائه واستمتاع. انوي انت بس وربنا يسهل .
تحياتي
فينك يا عم من زماان
وحشتنا بجد ووحشنا اسلوبك البايخ
وتعليقاتك الرخمه
ع العموم وحشتنا خالص
محمد على .. هى كده
شكرا يا ابو دم خفيف
وصفك للنطه..حسسنا انا احنا الللى نطينا...
بس كويس..اناه ماكنتش اخر مره..
:D
موضوع رائع رائع بجد انت خلتنى تخيلت الصوره جدا وانى انا اللى هنط مش انت بس انت فعلا بكطل بجد وحاجه كده تخلى الواحد فخور بنفسه وتحسسه انه بطل كبير
شكرا مره تانيه على البوست الرائع
سلام
تخاريف خاصة
يمكن الوصف طلع كويس عشان انا بحب جدا الموضوع بتاع المظلات ده وساعتها كنت في شدة الفرح والنشوة والفخر وحاجات كتتتيبر حلوه.
شكرا
nefertiti
فعلا معاكي حق ... الإحساس ده رائع جدا خصوصا لما بتعمل حاجة مش متاحه لكثير من الناس ومش سهله عليه.
تحياتي
ياعم انا كل خوفي من النط
يعني نفسي اطير في الهوا كدا بس من غير ما نط
زي البحر عندي نفس العقدة
اعوم زي القردة
لكن انط من منط عالي ببقي مرعوبة لكن بضطر انط الكابتن كان بيزعق وكدا
مابالك طيارةةةةةةةةة
وبعدين نفسي اعرف لما فقدت الذاكرة اية اللي حصل
احساسها عامل ازاي
انا طبعا مش هقول نفسي احسة لاني فقرية
كل ما قول علي احساس نفسي احسة
بندم بعدها لما بحسة
كنت وانا صغيرة بشوف الناس في التلفزيون بيغمي عليهم واقول نفسي احس الاحساس دة
لما حسيتة كنت متغاظة من نفسي علشان بشرت
ع نفسي
يلا سلاممممممممم
مني
يعني هو احنا لازم كل مرة نعمل نداء ونقول عاوزين موضوع جديد
مفيش مرة تكتب من نفسك كدة
يارب يكون مودك اتعدل علشان تعرف تكتب لنا حاجة
سلامات
my hopes
لأ جمدي قلبك ونطي .... هتنبسطي جداً .
وطبعا لما فقدت الذاكرة طبعا مش فاكر كنت عامل ازاي بس الموضوع كان مؤقت يعني دقائق مش اكتر من كده
سلام
shahy
حاضر ان شاء الله خير بس الصبر
تحياتي
وصفك رائع نشفت ريقي بصراحه بس فكرتني بأسماعيل ياسين
Maksofa
الله يخليكي وبرده اسماعيل ياسين مش وحش
تحياتي
وحشتنى ومفتقداك جدا
انت يظهر عاوز تخدى العين عنك فى اول البوست مش كده ؟ كل ده و مش عارف تكتب حاجة ؟
مدونتك لطيفة
أشكرك على زيارتك مدونمتى و أرجوا انها تكون مستديمة
انت كوماندوز ؟
ممكن الواحد يغير موده عن طريق التامل فى الطبيعه من حوله أو أنه يتفرج على فيلم أو مسلسل بيحبه أو يخرج مع اصحابه الى مكان بيحبه أو ياكل اكله بيحبها خارج البيت مع اصحابه مثل الكشرى أو البيتزا
أو قراءة كتاب تحبه .....
وايضا .. كما ذكرت ممكن زى ماقلت على النيل وسور الكليه الحربيه
تحياتى لك
فرنسا هانم
لأ مش كوماندوز ولا حاجة (بس طبعاً كان نفسي) بس كنت صغير ساعتها وفي عندي هبل الطفوله واندفاع الشباب.... والحمد لله ان المواضيع دي عدة على خير
تحياتي
عاليا حليم
مش الفكرة والله بس فعلاً ساعتها مكنش عارف هكتب ايه. هقولك .... اصل من زماااان وانا متعود اكتب عني اي حاجة بشعر بيها ... وساعات كتتتير مش بيكون في حاجة في دماغي .... بس لما بمسك القلم بلقيه بيكتب على طول (اللاوعي بقى)
تحياتي
نبضات
معاك حق في حاجات كتتتير ممكن تساعدنا على الصفاء الذهني والهدوء النفسي بس للأسف زحمة الحياة ورخمتها ومشاكلها بتنسينا.
تحياتي
شعرت وكأني اقفز معك ... من دقة توصيلك للشعور وبصدق وكأن قلبي راح يترقب هو الاخر القفز .. وينتفض بشدة..
جميل موضوعك
دمت بكل ود..
خالص تحياتي
أما مدونتك جميلة وقريبة من القلب بشكل!!!
جميلة فعلاً
لك تحياتى واحترامى
كاميليا
Osama
شكرا جدا على ذوقكوفعلا اتمنى ان لو اي حد ممن ينبسط من القفز بالمظلات انه يتقدم ويجرب وان شاء الله هيكون حاجة تانيه
كاميليا
شكرا جداً وان شاء الله ازور مدونتك عن قريب (عشان سمعت من العصفورة انها متميزة وجميلة)
تحياتي
يا استاذ يحيى
الصبر خلص خلاص
عاوزين موضوع جديد وبلاش كسل
يااما هاروح الم شوية مدونين ونيجي نقف على باب المدونة ونعملك دوشة
بلاش اقول اعتصام علشان مايقبضوش عليا
سلام وفي انتظارك
موضوعك شيق جدا واسلوبك جميل جدا بجد واستمتعت جدا وانا بقرى حكايه المظلات دى حسيت انى انا اللى هنط مش انت اتمنى ليك التوفيق فى كتابات اخرى شهد
السلام عليكم
حلوة اوي انك تفتكر ذكريات خاصة بيك تعمل علي انبساطك وتغير مودك واللهم امين يكون مودك كويس بس ليا رجاء
رجاء
رجاء عندك
.............
..............
................
ممكن تخلي بالك من دوبا ام يوسف حبيبتك عشان ربنا يريحك ويريحها ويخليكم لبعض
امينقولوا معايا
قولوا معايا اميييييييييييين وياريت بلاش كلمة اختي اللي بتقولها ليه ربنا يسعدكم
Post a Comment