بعد تفكير كتتتير عن انسب الحلول لتحسين حياتنا لقيت ان الموضوع محتاج مجموعة حلول للوصل للتغير ده ، وكان من أنسب العناوين اللي ظهرت هو عنوان بناء الوعي لأفراد المجتمع ، طبعا بناء الوعي ده قصة كبيره وليه طرق وأشكال كتتتير وكمان بيحتاج مده زمنيه طويله وجهد كبير عشان نحس بتأثيره بس دايما لازم يكون في بدايه
ومن طرق بناء الوعي أن أفراد المجتمع يعرفوا تراثهم الحقيقي .... يعرفوا أفراده ومثقفيه وعلمائه والناس اللي فعلا بيخافوا على البلد بيعملوا ايه عشان يحققوا التغير ده ....
وهنا انا هكتب كلمات لبعض أغاني ناس ممكن يكون معروفوين لناس كتتتير منا ومش معروفين لناس تانيه بس تعالوا نشوف مختارات بسيطه من بعض الفنانين محبي مصر اللي ليهم مبدأ وسكه واضحه منذ البديات
هكتب كلمات لأغاني للشيخ إمام والأستاذ أحمد منيب والملك محمد منير
كلمات أغنية ... أتجمعوا العشاق ... للشيخ إمام
أتجمعوا العشاق في سجن القلعه .... أتجمعوا العشاق في باب الخلق والشمس غنوه من الزنازن طالعه ومصر غنوه مفرعه في الخلق
أتجمعوا العشاق في الزنزانه مهما يطول السجن مهما القهر
مهما يزيد الفوجر بالسجانه من اللي يقدر ساعه يحبس مصر
أتجمعوا والعشق نار في الدم ... نار تحرق الجوع والدموع والهم
نار تشتعل لما القدم ينضم ... لما الايادي تدور تلم اللحم
واللحم متنتور في رملة سينا والكذب بيحجز على أيدينا
قدم العدو غرسه في لحم ترابي والكذب عشش مخبرين على بابي
والمخبرين خرجين كلاب صعرانه بيجمعوا العشاق في الزنزانه
مهما يطول السجن مهما القهر ... مهما يطول الفجر بالسجانه من اللي يقدر يحبس مصر
مصر النهار يطلقنا في الميادين مصر البكاء مصر الغنا والطين
مصر الشموس الهاله من الزنازين ..... هاله وطارحه في دمنا بساتين
مصر الجناين طارحه مين يقطوفها ... مصر الجنايني للي يرفع سفها
مهما يطول السجن مهما القهر
مهما يزيد الفجر بالسجانه من اللي يقدر ساعه يحبس مصر
كلمات أغنيه ... بلاد الدهب .... للأستاذ أحمد منيب
مشتاقين يا ناس للبيت ...... لنبع الحبايب
لبلاد النخيل والغيط ... على العود اللي غايب
للحب الكبير ... والشوق الكتتتير
مشتاقين يا ناس .... لبلاد الدهب
كبر الشوق جوه القلب كان لسه في حضن الحب
خدنا ومشينا والايام خدتنا ... رحله .... عوده
نوين اننا راجعين يا بلادي ومشتاقين
مشتاقين يا ناس ... لبلاد الدهب
نادرين لما نرجع تاني لبلاد الجمال رباني
جوه البيت هنزرع نخله ... تطرح خير وتعمل ضله
والعصافير تلقط غله في الحوش الكبير والرمله
دار الساقيه في العصريه تحكي حكاوي
والافراح هتملى الناحيه غناوي
مشتاقين يا ناس لبلاد الدهب
كلمات أغنيه .... حدوته مصريه .... للملك محمد منير
منرضاش ...... يخاصم القمر السما
منرضاش ...... تدوس البشر بعضها
منرضاش ... يموت جوه قلبي نداه
منرضاش ... تهاجر الجذور أرضها
قلبي جوايا يغني الاجراس تدق لصرخة ميلاد
تموت حته مني الاجراس بتعلن نهاية بشر من العباد
دي الحكمه قتلتني ... وحيتني ... وخلتني أغوص في قلب السر ... قلب الكون
قبل ما الطوفان ما يجي وخالتني أخاف عليكي يا مصر
وأحكيلك على المكنون
من اللي عاقل فينا مين مجنون
من اللي مدبوح من الالم
من اللي ظالم فينا مين مظلوم
مين اللي ميعرفش غير كلمة نعم
من اللي محنيلك خضار .... دول فلاحين غلابه
من اللي محنيلك عمار ...... عمالك الطيابه
مين اللي بيبيع الضمير وبيشتري به الضمائر
من هو صاحب المسائله والمشكله والحكاية والقلم
رأيت كل شيء وتعبت على الحقيقية
قبلت في الطريق عيون كتير بريئه
أعرف بشر ... عرفوني .... لأ .... لأ معرفونيش
قبلوني .... وقبلتهم
بمد أيدي لك .... طب ليه متقلبنيش
لا يهمني أسمك ..... لا يهمني عنوانك
لا يهمني لونك .... ولا ميلادك
مكانك
يهمني الانسان ولو ملوش عنوان
يا ناس يا ناس هي دي الحدوته
حدوته مصريه
أخيراً أحب أوضح أن الكلامات ممكن متوصلش نفس الأحساس والأفكار ولو سمعتوها أكيد هيكون أحسن، وعلى العموم كل الأغاني دي موجوده واللي عايزه ممكن يقولي ونبقى نتصرف يخدها أزاي
18 comments:
جميله الكلمات وياريت ترفع الأغاني لو عندك
بس اعتقد بناء الوعي أعقد من كده حبتين
ولا انت رأيك أيه؟؟
أنونيمس
أكيد طبعا أن بناء الوعي أعقد من كده كتتتتير بس زي ما كنت بقول أن ممكن يكون معرفة التراث والحضارة اللي كان عليها ناس بيحبوا مصر تكون أحد الاسباب اللي تزيد من وعي الشعب ده
تحياتي
كان فيه حد من المدونيين لما ابنه ابنه ابتدى يكبر ويتذمر من مصر واللى فيها وابتدى يعبرله انها ملهاش قيمة جواه جابه قوعده وسمعه الاغانى اللى قلتها بالاضافة لكتابات جاهين التحفة اللى انت ذكرتها فى بوست ليك
وقعد يحكيله عليهم زمان
انا بصراحة مش فاكرة مين
بس فعلا اللى ميعرفشى قيمة مصر الاصلية وان الواحد لازم يتحمل كل حاجة علشان عيونها يبقى معندوش ثقافة مصراوية
مش عارفة ليه افتكرت اغنية كنت بتغنيها بتاعت - مصر يامه يا بهية يا ام طرحة وجلابية .....كمل انت بقى علشان معكهاش
اختياراتك حلوة اكمل
على الرغم انى سمعت الاغانى دى كتير الا انى مكنتش بركز فى الكلمات زى مقريتهم دلوقتى
دمت بكل خير
هبة
إحنا تراثنا وحياتنا مليانه بجد بحاجات حلوه كتتتير بس للاسف الزحمه والخنقة والتراب وسواقين الميكروباص بيغطوا عليهم.
تحياتي
مدونه جميله
و بندعوك علشان تيجى تقول رايك عندنا و يمكن يكون فيه تعاون
ازيك يا ابا سوسف والله اعتقد ان موضوع بناء الوعى ده مهم جدا بس عايزة اعرف مين مهتم دلوقتى انه يبنى الوعى لنفسه ولاسرته ولبلده دلوقتى يا يحيى كله بيجرى وراه لقمه العيش الناس مش بقى عندها وقت تقرى وبيقولوا الجنيه اللى نجيب بيه جرنال علشان نعرف ايه اللى بيحصل فى بلدنا وحوالينا نشترى بيه اكل افضل بالله عليك كلامى مش صح؟المهم الاغنيه بتاعه حدوته مصريه عجبتنى جدا والبوست كله هايل ومش تغيب عننا خليك دايما موجود (فل)
شباب اون لاين
شكرا على الزيارة واتمنى انها تتكرر وان شاء الله هجيلك
تحياتي
حنين القلب
طبعا انا معاكي ان الغلاء مخلي الناس مش عارفه حاجة غير لقمة عشها ، بس لو الناس دول عرفوا انهم لو كانوا واعين بمشاكلهم وعرفوا كويس حقوقهم وواجباتهم اكيد حالهم هيتغير
تحياتي
الوعى ده اهم حاجه باذات عند المصريين انا بحس ان احنا دايما بنفتى ونتكلم ف اى حاجه ف اى حاجه كاننا عرفينها اوى لازم نبقى فاهمين كل حاجه عشان نعرف نميز الصح من الغلط ونعرف حكومتنا و ايه اللى بتعمله صح وايه اللى بتعمله غلط مش نشتم ولاص ولو حاجه بقى متخصصه اوى يبقى نديها لصاحبها
و بكده حال الامه ينصلح
nefertiti
معاك حق وخصوصاً في موضوع الفتوى ده !! تلاقي اي حد تسأليه عن حاجة يقول ويجاوب كأنه خبير مع ان دينا بيقول من قال لا اعرف فقد أفتى . ربنا يستر علينا
تحياتي
احييك على اختيارك والحمد لله انا سمعت التلات اغاني دول ولو عاوزهم ابعتهملك مع ساعي البريد هههههه
تحياتي
الكلمات جميله قوي يا يحي
وبتصحي فينا حاجات كتير عليها تراب مغطيها
لكن زي ما انت قلت لو مسموعه تبقى احلى
اغنية محمد منير انا سمعتها قبل كده علشان كده هزتني اكتر لأني بقرأ وسامع اللحن بخيالي اعتقد لو عرفت الاقي الأتنين التانين هابقى اسمعهم واحسهم اجمل
وطبعا شكرا على الكلمات اكيد هتسهل معايا فهم الأغنيه لما اسمعها انت عارف الأغاني القديمه بتبقى تسجيلها صوته مش واضح قوي
تسلم ايدك
سلااااااااااااااااااااام
shahy
يا استاذه شاهي اخيرا شرفتي المدونه .... الله يكون في عونك وشكرا على الزيارة
سلام
الشنكوتي الكبير
بص يا باشا الشيخ امام واحمد منيب فعلا من الناس اللي بيغنوا من قلبهم عشان بيحبوا البلد وليهم هدف ومبدأ واضح وعلى العموم لو عايز الاغاني كلمني على الاميل وهتصرف واجبهملك وهو حلوين قوي
تحياتي
" ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
اغنيه محمد منير دي بجد مبدعه ممكن تكون اكتر اغنيه بسمعها لمنير
احييك تماما على اختيارك
تحياتى وبالتوفيق ان شاء الله
كلام كبير وجميل
كلام الاغانى جميل جدا ويحرك مشاعر كثيرة غابت عننا فى الاعوام الاخيرة التى انشغل الناس فبها بانفسهم والجرى وراء لقمة العيش وانا سعيدة ان مازال هناك احد يفكر فى بناء الوعى وعجبتنى جدا اغنية حدوتة مصرية لانى اول مرة اقراها شكرا يحيى وننتظر جديدك
Post a Comment