قبل ما أبد الكلام أحب أقولكم ان دايماً بيكون صعب عليا اني اكتب عنوان الموضوع قبل كتابته على الرغم من أني عارف بشكل عام هكتب عن ايه بس وقت الكتابة بسيب أفكاري تتسلسل وتتدفق بدون حواجز وبكتب عن حاجات كتتتير ممكن مكنش عامل حسابي اني أكتبها
المهم أنا بقالي فترة عايز احط في البوست هنا بعض الخواطر والافكار اللي كنت ومازلت أكتبها في دفتر خارجي بخط يدي هذا الدفتر عزيز عندي حيث أنه إهداء من أحد أصدقائي المقربين وهو الاخ كريم الشهير بكريم كرامه ، المهم أنا عملت أسكان لبعض الموضوعات اللي كتبتها من زماااان واحب أوضح من الأول أن خطي وحش وكمان ممكن تلاقلوا أخطاء املائيه بس مش مهم
----------------------------------------------------------
تحديث
واضح اني فاهم موضوع الضغط على الصورة عشان تكبر او عمل كليك يمين عليها وبعد كده حفظ بأسم غلط ومعضله كبيره عند نااااااس كتتتير مع اني كنت فاكر ان الامر بسيط على العموم يا أخونا اضغطوا على الصورة وهي هتكبر ان شاء الله بس اضغطوا كويس
سلام
29 comments:
يحيى ممكن بعد اذنك تكبرها او تقولى اقراها ازى مش عارفه هااااااااا بليزززززززز عاااااااااااااااااااااااا
هههههههه
خطي احلي شوية صغننة جدا
من الخط
هههه بس كنت عايزة اسئلك اية الامضاء اللي في الاخر عبارة عن اية
اصل انا بردة ليا حركة بعملها في الاخر بقالي بتاع 10سنين
كل ما اكتب حاجة اعمل كدا بس ليها معني ليا انت اية معناها
سلام
appy
يا ست الكل اضخطي عليها وهي هتكبر أو اضغطي كليك يمين واعملي حفظ بأسم Save as وبعد كده هتعرفي تكبريها
تحياتي
my hope
تقريبا كل الناس أكيد خطهم هيكون أحسن مني بس المهم أن الخط يكون مقروء، اما اللي في الاخر ده توقيع الحروف الأولى من أسمي بالإنجليزي، فنان بقى
تحياتي
يعنى مش كنت عملت حساب الناس الكبار فى السن
اشوف انا ايه بقى فى الصفحات المسكانة دى؟
انا يادوب شايفة الامضا
يلا .. هاقولك كلمتين تدوينيتين
خواطر رووووعة
تسلم ايدك
(مع انى ولا عرفت اقرا ولا كلمة)
سلام يا ابو يوسف
لى لى
لي لي
فعلا انا اسف انا الغلطان ومش هعمل كده تاني، بس ايه رأئيك في التوقيع .... فنان مش كده
سلام
انت خطك عامل زى خطى بالظبط
ههههههههههه
حلو اوى انى الانسان يبقى عنده خواطر يكتبها
ويحتفظ بيها الف تحية ليك
مدحت محمد
الحمد لله اني في ناس اساسا بتعرف تقرأ خطي، زيارتك مشرفاني وارجو ان تتكرر.
تحياتي
السلام عليكم على فكرة عجبنى اوى موضوع التغلب على النفس بس تعرف يا يحيى انها من اكتر الحاجات اللى مش بنقدر عليهابس بجد يا يحيى البوست بتاعك جميل والنبى يا اخى ما تبقى تغيب كده بس خطك اييييييه عااااااار نصيحه منى ليك مش وريه لحد تانى على العموم ربنا يوفقك يا ابو سوسف
حنين القلب
متفق معاكي جدا في موضع التغلب على أنفسنا وده اكيد بيكون صعب جداً عشان في العاده النفس بتأمر بالحاجات الغلط بس بتكون محببه ومغريه لينا. بالنسبة للخط انا معاكي انه وحش بس الحمد لله انه بيقرأ
تحياتي
استاذ يحيى
افرح واسعد واضحك كمان
انا خطي اوحش من خطك بكتير
............
انا شايفة ان دي مش خواطر خالص
دي كلها كلام واقعي جدا جدا
بس انا مستغربة من حكاية ان الانسان ملول من فعل الخير
اللي اعرفة ان اللي بيبقى عاوز يعمل خير بيعملة من غير مايستنى حد يساعدة
او يبقى بيتدلع ومش عاوز يساعد حد
صح كدة والا انا فهمت غلط والا اية؟
تحياتي واتمنى زيادة البوستات شوية يأما هاسلط ام يوسف تسرقلي الدفتر علشان اشوف اللي فية كلة
سلام ياابو يوسف
أكبر انتصار للإنسان هو انتصاره على نفسه
**************
خواطرك عن الخوف
رائعه جدا
*****************
جميل ما دونت يحيي
أحسنت
دمت بكل خير
مدونتك جميلة جداا لأنها بسيطه جدااا
و خواطرك كمان فكرتها لذيذة و فكرة انك تنزلها بخط ايدك كمان جميلة اووي
اول زيارة لمدونتك
تحياتي
انا خطى احلى من خطك
بس حلوة والله الفضفضات والخواطر دى
وبعدين انا لاحظت التواريخ
99
ده انت عتيق اوى
shahy
الأخت شاهي ....
الحمد لله اساساً ان خطي بيقرأ ، وطبعا انت فاهمه صح موضوع عمل الخير ده وانا قصدي ان حتى في فعل الخير ومع تكراره وفظل ظروف المجتمع اللي تقريبا معظمها بيشدنا في اتجاه السلبية الواحد بيتغير حتى في فعل الخير. ومن غير سرقه ولا حاجة انا ابعتلك الدفتر مع ساعي البريد زي ما بعتلك حاجات تانيه كتتتير قبل كده معاه .... وربنا يجعل بيت المحسنين عمار.
تحياتي
salwa
أستاذه سلوى تحياتي ليكي وشكرا على زيارتك واتمنى انك تكوني زائره دائمه للمدونه.
تحياتي
bongo
طبعا شرفتيني واتمنى تكوني موجوده على طول ، والحمد لله انك عرفتي تقرأي الخط اساسا عشان كان في ناس مقربين بيقوليلي اكتبها تاني بدل النشر بالخط الوحش ده بس انا كنت عايز انقل نفس الاحساس من الخط يمكن كتتتير ممكن ميوصلش حاجة اساساً من الخط ده غير ان خطي وحش بس اهو اللي حصل
تحياتي
nirfana
اتمنى انك تكوني زائره دائمه للمدونه ، والموضوع اني اتعودت اكتب من زمااان حاجات مختلفه وبجمعها وعلى العموم عتيق دي اساسا عتيقه قوي مسمعتهاش من زمااان
تحياتي
عندما قرأت الآن كلماتك تذكرتها حين قرأتها لأول مرة وإنبهارى بمقدرتك على التحكم فى النفسك الآمارة بالسوء وتحديك لها حتى لا تقع بالخطأ
اختياراتاك كلها حلوة وخواطرك ممتعة
وخطك - فزييييييييييييييع
وش بيضحك
ربنا يسعدك ويراضيك حتى ترضى وتسعد
هبة
doba
الله يخليكي بس بلاش موضوع انبهارك واعجابك ده عشان انا راجل متزوج ومراتي بتغير عليا من الهوا الطاير وانا بصراحه مش عايز مشاكل معاها. وخطي طبعا جميل عارف .... مراتي دايما بتقول كده برده
سلام
يااااااااااااااه
1999
ما شاء الله
بس جميل
جدا
فعلا .. النقاش فن
تقبل تحياتي
السلام عليكم
ازيك يا استاذ يحيي
انا تقريبا شوفت الخط ده قبل كده
خطك زى خطى بالظبط
فعشان كده هقول انه جميل
:D
انا شايف ان فى كل ورقة موقف معين فى زمن معين غير الورفق التانى
يعنى الورقة الاولى فى موقف غير التانية وهكذا
بس احلى موقف الأخير
عن الجبن
فعلا فيه ناس جبانه لدرجة غبيه
اتمنى انهم يكون خلاص الجبن خلص من عندهم ويتجهو للحلاوة او البرنجان المخلل
شكرا يا أستاذنا على المواقف دى
أحببت تلك التدوينة جعلتني أدخل عالمك الخاص جدا
جعلتني أشعر بدفئ
ربما لأني أمتلك العديد مثل تلك الصفاحات
ربما أنها من أعز أسراري و ليس لي الشجاعة لنشرها مثلك
احلى قرار اخدته انك عملت سكان للخواطر دى يا يحيى..الكلام بخط ايد اللى كاتبه بيبقى فيه روح غير اللى عالكىبورد دى...واضح انك جامد فى الكتابة من زمان اوى
تحياتى ليك و لمذكراتك و لكريم اللى خلاك تكتب الكلام الجامد دا على اوراقه
3abdo Me7tas
معاك حق يا باشا بس الموضوع لو بأيدهم كانوا اتخلصوا من الخوف ده من زماااان .
تحياتي
carol
أنا سعيد جدا بمشعرك دي واحب اوضحلك انه دايما العبرة والهدف النهائي لمعظم الحاجات اللي بنعملها في حياتنا هي الراحه النفسية، فممكن أن راحتك موجوده في عدم نشر مثل تلك الصفحات الخاصة بك. شكرا على الزيارة واتمنى ان تتكرر.
تحياتي
dina
أنا اول ما قررت أعمل موضوع اسكان للموضوعات اللي كتبتها من زمااان في كتتتير من المقربين أعترضوا على اساس ان خطي وحش قوي (وده حقيقي) وان عندي غلطات املائيه كتتتير (وللاسف ده حقيقي برده) بس أنا حبيت ان اوصل حاجة مني بشكل اوضح ..... بخطي .... مش مهم ان كل واحد يفهم او يستوعب يعني ايه خطي وايدي هم اللي بيشوفهم بس انا كنت متأكد أن فيه ناس هيوصلهم حاجة من الموضوع ده او احساس معين .
تحياتي
ياسيدي عليك يا ابو يحي
لا شوية خواطر في الجون والله
بس انت هتكروتنا يا عمنا
الكلام ده من يجي بتاع سبع تمان سنين
فين الكلام بتاع اول امبارح ولا الاسبوع اللي فات؟؟
عاجباني قوي الامضا بتاعتك .. بس الناس ممكن تزورها ياعمنا وتلبس وصولات امانه ولا شيكات .. او حتى اقرارات ضريبيه
ملحوظه
والله العظيم كل ما اجي افكر اقرالك واقرا مواضيعك باتزنق وبالاقي نفسي اتشغلت في الحياه .. لكن انت طلعت احسن مني ونورتني بتعليقك عندي الاول
سلاموووووووووووووز
sooooo
أنا عارف كويس ان الدنيا مشاغل والله يكون في عونك واتمنى ان وقتك يسمح وتيجي تاني عندي ...... شرفتنا
سلام من غير مووووووووووووووز
Post a Comment