كل ذئب طيب فى تصرفاته، فليس هناك حيوان مفترس يحمل بداخله الشر والمكر وبالطبع هذا يظهر للحظة الأولى كلام متناقض فكيف يكون مفترس وليس شرير أو ماكرفى نفس الوقت، وهذا بسيط للغاية فهذا الحيوان المفترس لا يأكل إلا عندما يجوع ولا يقتل حباً فى القتل، ولو هذا صحيح فهى غريزة بداخله أعطاها إياها الوهاب، فعندما نرى نحن بنى البشر أى حيوان يفترس حيوان آخر أو يستخدم المكر والخديعة لذلك نحكم عليه بالشر وأنه حيوان آثم، رغم أنه لم يعدو سوى حيوان يدافع عن حقه فى البقاء فى قانون الغابة الذى يحكم عليه ذلك وهنا تظهر الغريزة داخل الحيوان فى حب البقاء، كذلك لو نظرنا إلى أى حيوان نباتى مثل الأرنب فهو يأكل الجزر ويلتهمها ويقضى عليها، فهل لأنها لا تنزف دماً أو تحاول الفرار منه حفاظاً على حياتها نقول عليه حيوان طيب ومسالم، رغم أن نفس الغريزة هى التى تدفعه لأكل هذه الجزرة حتى يضمن حياته، إن الدافع واحد ولكن الطريقة مختلفة ومتاحة فى كلاً من الحالتين فى عالم الحيوانات والسبب فى إعتقادنا هذا هو نظرة البشر إلى تلك الحيوانات وهى نظرة تنطوى على كثير من الذاتية وبعيدة عن الموضوعية والتى هى مطلب كل ناظر وباحث عن الحقيقة
Subscribe to:
Post Comments (Atom)
33 comments:
مش عارفه بس فعلا دى اول مرة اشوف الموضوع من الناحيه دى
لاننا كلنا كنا بنقول ان الذئب حيوان شرير لانه بيفترس حسوانات اخرى
برغم انه بياكل زى ما الارنب بيلتهم الجزر
كل واحد فيهم بيعيش حياته بطريقه مختلفه عشان تستمر حياته
بجد انت خلتنى افكر فى الموضوع بشكل مختلف
شكرا ليك يا استاذ يحيى
وارجو قبولى زائره دائمه للمدونه الجميلة دى
شمعة أمل
الحياة مليئة بوجهات النظر الغريبة والمختلفة فالموضوع الواحد ممكن تلقيله اكتر من تفسير وممكن يكون التفسيرات متناقضه وكلها صحيحة. طبعا يشرفني انك تكوني موجوة زائرة دائمة للمدونة وان شاء الله تلاقي موضوعات تعجبك
شكرا
هى حكايه غريبه فعلا بس هما بيقولوا ان الديب غدار
قال شوقى
واذا فرق الرعاه اختلاف علموا هارب الذئب التجرى
يعنى لما الرعاه يختلفوا على الغنم بتاعهم الديب بيستغل ده ويروح ياكل الغنم
كمان الارنب شكله صغنون كده وجميل لكن الديب شكله مفترس وشريير:))))))
بدايه حلوه للمدونه و هقرا ان شاء الله المواضيع القادمه
فعلا عندك حق
انا معاك
كل مخلوق يحمل داخله غريزة البقاء
يعنى الانسان لما بياكل الحيوانات يبقى مفترس
لا ابدا
موضوع جميل
ومبروك المدونه
nefertit
هم بيقولوا كلام كتتتتتير ، بس المهم ايه الصح وايه الغلط؟ ايه اللي احنا فهمنها بالشكل ده عشان المجتمع والتقاليد رغم انه ممكن يكون غلط !!! الحقيقية فين؟ بالمناسبة مين هم دول؟!!
semsem
شكرا جدا لذوقك. والله يبارك فيكي.
اقولك على حاجه انت ممكن تقدر تربى ارنب ف البيت صح
لكن هل تقدر تربى ديب ف البيت ؟
الديب حيوان برى لكنالارنب اليف
هم اللى انت بتسالنى عليهم دوول الشعراء والكتاب اللى كتبوا عن الديب يلا على العموم مش هنختلف بس ف الاول والاخر هما لما بيكتبواعن الديب بيقصدوا تشبيه معين
سلام
nefertiti
طبعا متفق معاكي في موضوع التربية وكل التقدير للشعراء والأدباء والفلاسفة كمان.
نظره موضوعيه وان كانت بعيده عن كتير مننا
انا شايف فعلا ان قانون البقاء هو اللي بيتحكم ف الافعال
وده مش بس ف الغابه لكن ف الدنيا بوجه عام
مش فاكر حضرتك زلزال 92 والحكايات اللي كنا بنسمعها
انه حب الحياه
تحياتي ومبروك المدونه
اولا
القصة اللي كتبتها عند دوبة اسفة نسيت انك مش بتحب الاسم دة نقول ام يوسف
قصة جميلة جدا وفيها حتة خفة دم ظهرت كانت حلوة قوي
ثانيا
الذئب والارنب دة كلام جميل وفعلا الواحد بص للموضوع من ناحية تانية
جزاك الله كل خير ومستنين الجديد ومش تتأخر
سلام
ولو
شكرا جدا على زيرتك، وأن شاء الله تلاقي موضوعات جديدة وجميلة دايما هنا.
تحياتي
shahy
شكرا جدا على مجملتك. وان شاء الله مش هتأخر في البوست الجاي بس انا مستني الناس تعلق على البوست ده شوية عشان مراتي قلتلي لو كتبت كل اللي عندك مرة واحدة الناس مش هتعلق على كل حاجة فبحاول اصبر شوية عشان الناس تقرا كل حاجة وتعلق عليها وان شاء الله تلاقي هنا مواضيع جديدة. سلام مؤقت
الف مبروك يا يحي على المدونه الجميله دي انا اتأخرت قوي صحيح كان نفسي اكون اول المهنئين بس يا خساره جيت متأخر شويه لكن ملحوقه برده القصه جميله قوي طول عمري بحب قوي المواضيع الصغننه اللي بتقول كلام كتير وفكره هايله بس بشوية كلام صغيرين بجد انا كنت عارف انك فنان وعندك خبره جامده في الكتابه خصوصا لما كتبت البوست عند هبه ولقيتك عامل الموضوع بإحتراف جامد جبت الأول لقطات فلاش باك من اللي فات عشان الناس تعيش المود معاك وبعدين دخلت في الأحداث بصوره تشد وهوب سيبت الناس بسرعه كأنها لحظه خطف كده محدش لاحق يستخبى
بجد الجزء بتاعك كان تحفه مع ان حضرتك مش حطيت البنت البيضاء وجبت بنت سمراء ماشي مش مهم انا هاكتب بوست فيه بنت بيضاء براحتي
تحياتي وسعيد بدخولك عالم المدونات يا صديقي واتمنى تتقبل صداقتي
اخوك ايهاب
سلااااااااااااااااااااااام
الشنكوتي الكبير
طبعاً يا أخ إيهاب أهلاً بيك كصديق ده يشرفني. وشكرا جدا على مجملتك والتحليل الجامد ده للقصة
تحياتي
شكرا على بوستك الجميل
و مبروك على المدونة الجديدة تتربى في عزك
و الف الف مبروك
بنوته
الله يخليكي ويبارك فيكي، وان شاء الله تيجي المدونه بتاعتي وتلاقي مواضيع تعجبك
سلام
الف الف مبروك
علي دخوللك عالم التدوين
و المدونة جميلة اوي
تحياتي
عروس البحر
الله يبارك فيكي وشكرا على موضوع الكرافته
تحياتي
مبروك علي المدونة
وفعلا زي ما قولت في ردك علي الكومنت انا اصلا بموت في سورة سيدنا يوسف بحس انها قصة تشك تعرف بقتها وبطريقة جميلة جدا
ربنا هو اللي بيحكيها اكيد تبقي احسن طريقة حد قالها
علشان كدا نفسي يبقي ابني مستقبليا يوسف ويسلام لو عندة صفاتة تبقي احسن
طبعا الموضوع بتاعك صح جدا لان زي ما الانسان بياكل علشان يعيش الحيوان كمان علشان البقاء
وشكرا
$my hope
الله يبارك فيكي ويحققلك كل اللي تتمنيه.
سلام
مليون مبروك يا يحيى على المدونة
يلا عايزين المنافسة بينك و بين هبة تكون شديدة :p ههه
تصدق فعلا انت جيبت الموضوع من وجهة نظر مختلفة ....فعلا احنا دايما بنحكم على الحاجة من غير تفكير فيها و تمعن
تحياتى ليك و مستنينك تملى المدونة
ابداع ان شاء الله
تحياتى
nermeen
الف شكر على ذوقك، والموضوع مش محتاج منافسه ولا حاجة عشان النتيجة بينه من الأول.
تحياتي
وجهة نظر
كل سنة وانتم بخير
انت يا باشا حسب قوانين المدونات لازم تنزل بوستات
وكل حبه تذيد محبه
اكتب جديد
وعيش سعيد
يا سلام شوية شعر جامدين قوي
سلاااااااااااااااام
عصفور بلا اجنحة
وانت طيب شكرا
الشنكوتي الكبير
فل يا مان، بس فين القوانين دي ؟ ومين اللي حطها ؟؟
سلام
استاذ يحيى
كل عام وانت بخير
انا جيت اسلم
انا صحيح عارفة اني هاتقطع بس مش مهم المرة دي هاستحمل شوية ولو انها المرة اللي فاتت قطعتني كتير قوي وكنت هاموت في اديها
كل سنة ويوسف الجميل طيب
وربنا يخلية لكم وتفرحوا بية يا رب
فين الموضوع الجديد ؟
انا كنت قلت لهبة اني مش هادخل على المدونات في رمضان علشان الوقت بيطير
احب اقول لها اني عيلة وغيرت كلامي وهادخل على المدونات بس مش كتير
ياريت المرة الجاية الاقي موضوع جديد
شكرا
shahy
يا أخت شاهي كل سنه وانتي طيبة وشكرا على السؤال وان شاء الله مفيش تقطيع ولا حاجة. أنا بس اللي مأخرني عن كتابة موضوع جديد حبت حاجات كده أهمها أن مراتي معاها المفكرة بتاعتي اللي متعود أكتب فيها خواطر وأفكار وحاجات زي دي وكل يوم بتنسى تجبهالي من شغلها والحاجة التانية المهمة برده أني في أفكار كتتتير وموضوعات كتتتير عايز أكتب عنها بس لسه محتار أختار مين فيهم. وإن شاء الله تلاقي موضوع كويس قريباً وسلامي للأسرة الكريمة
بعد اسبوع هرد عليك
تمام ... والانسان ايضا يقتل الحيوانات ليأكلها ... ... ويقلع الورده فتموت بعد قليل في يده... ولأنه كما تفضلت لا يرى في الكون الا ذاته ... يظن ان في تصرفاته الرشد .. وفي تصرفات بقية الكائنات الهمجية ... لكن لا ادري ايكون بذلك حين وصف النحل بالعمل الدؤوب والنمل بالنظام قد تجنى عليهما ..؟!!!! كونهما يفعلان الامر آلياً كما وصفه للافتراس تماما ... الامر يدق هنا .... كون التوحش والافتراس فعل مطلق .. ووصف مطلق ... وقائع كلما حدثت استدعى العقل اللفظ فوصفها...
بوست جميل
لك خالص التحية
Osama
شكرا جدا ولك خالص تحياتي
سلام
ياجماعة محد يقول حاجة
أنا الشينيور
أؤل حاج’
واْيذ قال ابراهيم لأبيه ءازر أتتخذ أصناماء الهة انى أراك وقومك فى ضلال مبين
<74>
المعانى
______
ازر:أسم والر أبراهيم
مبين:واضح
___________________________________
و المرة الجية هءول البائ
Post a Comment